Chapter Text
Mirror House是一間地下俱樂部。只要你出得起錢，無論情報還是人命，他都可以幫你弄到手。雖然收費高昂，但極高的成功率使它在行內頗受歡迎。
Mirror House的Agent分3個rank，分別是A,B, C。A最高級，亦是最貴。委托會由所長去判定難度，跟難度去決定收費。
今次這個任務，是少有被評為Double A的任務。亦即是需要2個Rank A agent的任務。
「Edan你今次拍Anson Lo。你新入黎可能未見過佢。佢好細心謹慎，你多啲聽佢講。」Lokman將任務資料遞俾Edan。「仲有，我唔該你今次唔好又搞partner，所長話再有下次就切左你。」
想到所長兇狠的表情，Edan覺得下身一緊，嬉皮笑臉說：「Relax bro。據我所知，Anson Lo男人黎㗎喎！冇可能啦！」
「你記住自己講過乜。」Lokman望望手錶，說：「佢應該好快就到。我仲有會要開，你地自己傾下點分工。」
等待的時間，永遠都令人覺得特別長。百無聊賴的Edan決定去Mirror House內部的討論區，了解一下自己未來的拍檔。
得來的結果並無多大的用處，總括來說，評論只有三點：靚仔，正，佢飛左我。據現有的數據顯示，被Anson Lo拋棄的苦主多於40位。真Playboy，不解釋。
這時，身後傳來一把悅耳的男聲：「Hi Edan，我係Anson Lo。」
Edan回頭看到的，是一個西裝畢挺，外表溫文爾雅的男生。寶藍的西裝使Anson Lo原本已經白皙的皮膚，更亮更白。他沒有笑，但卻使他看來更神秘，更迷人。
「Hi…」平日口水多過浪花的Edan發現自己有點語塞。他心中唯一想到的只有：
仆街囉！男人老狗生得仲靚過女人，皮膚咁白滑，身材咁fit。真心正。
見Edan一直發呆，似乎不打算說話，Anson Lo決定先介紹自己，分享自己的想法：「我一向做開情報收集，打support，或者狙擊，正面格鬥唔太擅長。我見你之前都係打1號位。今次我做掩護，你主攻，ok?」
Edan 點頭示意ok。
「今次嘅target 係王楚國，40歲，係Xavi犯毒集團喺香港聯絡人。查過佢冇咩特別嗜好。唯一愛好，就係去呢間Rainbow slave消遣。」Anson Lo向Edan 展示檔案中的酒吧。
酒吧外表平平無奇，唯一最搶眼的是門外2米高的風車。Edan好奇的問：「乜得間野放咁大個風車喺度，Gay Bar黎㗎？」
Anson Lo回答：「正確。」
Edan 錯愕的問：「即係呢個王楚國係Gay嘅！？」
Anson Lo的語氣明顯轉冷：「係。有咩問題？」
感到自己似乎對整個planning都無建樹的Edan立即回答：「冇，冇問題。」
「我地要最短時間接近王楚國，Rainbow slave喺最好嘅選擇，今晚我地去踩線，熟悉下環境先。」Anson Lo說。
========================================================
「你可唔可以解釋下你呢身造型係咩野一回事？」Anson Lo用不可思疑的眼神，打量Edan這身奇葩造型。
濃妝豔抹都算了。這條超緊身螢光粉紅長褲是怎麼回事！？
Edan自我感覺良地說：「去Rainbow slave 丫麻！基吧喎！我特登買架！你都唔知，買果陣個sales個樣幾衰。我幾想一巴車埋去。」
這身造型姣到一點，加上爆肌，是絕對的零號。Edan這種直男，真的可以？Anson Lo疑惑地問：「你肯定你handle到你呢個角色設定？」
「實力派演技。冇問題。」Edan看Anson Lo一身的打扮，牛仔褸白色背心加牛仔褲，靚仔有型。但是⋯「說好的基味甚濃呢？」
Anson Lo沒好氣的答：「邊個話入基吧要著到咁？話明踩線。」
有說過只是收集情報嗎？ 一直無聽書的Edan，不會認自己顧着欣賞Anson Lo的美貌，而錯過了此行的目的。強詞奪理，是他的專長之一：「咁你都要準備突發情況，可能即刻要落場開波呢？你咁唔Prof。」
Anson Lo突然步步進迫Edan，將佢迫到牆邊，來了個超近距離壁咚，Edan眼前是Anson Lo不斷放大，完美無瑕的俊臉。
到Edan以為二人要kiss的時候，Anson Lo冷淡地說：「我個樣已經係最好嘅準備。」
他說得好有道理⋯⋯不過，自己不受控的心跳加速是什麼事？「ok you win！我地一陣扮情侶？」
Anson Lo思考了一會，說：「朋友應該比較合理。嗯，我地都係分開行動好啲。」
自尊心受創的Edan不爽的抗議：「咩叫合理啲？我好失禮你咩宜家？」看到鏡面反射出來，自己現在的形象，氣勢明顯一弱，心虛地說：「我執番正，都不知幾靚仔。」
Edan決定，再見Anson Lo時，一定要維持顏值巔峰。他弱小的自尊心，再受不起刺激了。
「咁我地下次再扮情侶。」Anson Lo溫文的笑了笑。「我地唔駛一齊入。Handfree保持溝通。」
說完瀟湘地離開，留下Edan一個生悶氣。
在Edan的小氣簿中，Anson Lo的形容詞多了自戀，顏控，虛偽。
========================================================
Rainbow slave 內。
Edan第一次覺得自己生得不夠英俊，是一種幸福。由他們分開行動開始，勾搭Anson Lo的人，基本上沒停過。他所坐的小吧台，彷彿是一個打卡位。
Edan一直在不遠處看着Anson Lo，聽着他被搭訕。Anson Lo那句我在等朋友，已用了第20次。Edan 忍不住笑了出聲。
不斷被打斷工作的Anson Lo，聽到Edan幸災樂禍的笑聲，不禁一陣惱火。「你笑夠，食夠花生未？」
「咁嘈你都聽到我笑?」被發現的Edan肆無忌憚的大笑：「你啲準備真係唔係幾好。你似黎溝仔多啲。」
照原來的計劃，Anson Lo應該和Edan扮作情侶一起行動，但顏控的他卻因Edan奇怪的裝扮，臨時改變了計劃。這次，他的確不夠專業。Anson Lo皺眉說：「你過黎坐喺我側邊。」
Edan忍不住揶揄：「你頭先唔係話分頭行事咩？」
今日大家的飢渴程度，令Anson Lo有點始料不及。「你都見我完全冇停過，咁樣我做唔到野。你cover我。」
Edan絕對是睇人仆街最開心的那種人。見到Anson Lo這麼狼狽，Edan心情不自覺的變好：「知我重要啦？」
「係啦。最重要係你。」如果可以，Anson Lo想將Edan討厭的笑臉塞入花生堆中。
恥笑歸恥笑，Edan依然敬業地坐下，挨在Anson Lo粗壯的手臂上，說：「睇唔出你又有啲肌肉喎！」
痴纏的模樣，勸退了身邊蠢蠢欲動，在打Anson Lo主意的眾人。
終於有喘氣空間的Anson Lo喝了口啤酒，拿起電話紀錄場內的細節。早習慣讚美的他，敷衍的回應：「唔打1號位都要操體能嘅… 我地之後再黎多幾晚。」
Edan觀察四周，興奮的示意Anson Lo看向舞池邊，那兩個褲除了一半的男人。「哇！果邊果兩條仔好似想直接開波咁？」
「總有人玩得放啲。」酒後各人的放蕩，Anson Lo習以為常，他自己亦是夜場的寵兒。
見Anson Lo平淡的反應，Edan回憶起Anson Lo 之前的傳聞，也許都是真的。「咁你呢？平時玩到咩程度？one night stand 你o 唔ok?」
「你係想約我？」斜眼打量Edan。唉！那螢光粉紅實在辣眼睛。鄙視⋯⋯
Edan錯誤將Anson Lo鄙視的目光，以為是歧視他性取向，快速地回應：「痴線！我鍾意女人㗎。」
Anson Lo不置可否的說了聲。「哦。」
Edan自來熟的勾著Anson Lo，說：「一陣等我換件衫，同你去我蒲開果度搵條女happy下。間bar啲女質素幾好，你實滿意。」
Anson Lo目光古怪的說：「你同我去，你食乜？」
「屌你！爵爺我不知幾受歡迎。」豈有此理！Edan 決定不帶Anson Lo去玩了！
工作之後，各有各精彩。
End of Chapter 1.