Work Text:
今天對花姐、盧瀚霆及李駿傑來說只是另一個繁忙的拍攝日，但相較平日盧瀚霆明顯不在狀態。他一有時間便盯着手機看，只見他越看眉頭便皺得越緊，連助手們都看得出他的不對勁。
“花姐，其實我個新MV係咪真係咁差？”
盧瀚霆臉無表情，沒由來的一句，讓花姐也一時語塞，不知道該怎麼回應，連坐在片場一旁的李駿傑聽到後亦不禁皺眉。
“呀撈，我咪叫左你唔好睇埋啲無謂野囉！硬係唔聽講，唔駛理嗰啲Haters，佢哋鍾意做無謂野咪由佢地囉！” 花姐頓一頓然後繼續整理手邊的照片檔，語氣一貫的兇惡但不難聽出當中的無奈。
“係囉，佢哋班人夠成日話我唱歌唔好聽啦，唔駛理佢哋架！” 相隔一條走廊距離的李駿傑安慰道。盧瀚霆簡單點了下頭，便再埋首於電話中。李駿傑看到再望向花姐，對望了一眼，然後花姐擔憂地搖了搖頭便再次回到工作中。
啫喱米決定Msg呂爵安：”Edan, 你做緊乜嘢？”
兒登：”無呀，放緊Break～ 阿撈係咪好忙呀？我msg左佢成朝，佢都唔覆我嘅？”
啫喱米：”還好啦，我哋而家等緊轉場境，不過個傻豬又喺度亂諗嘢⋯”
兒登：”米米，話我聽發生乜事呀？”
啫喱米：”唉，咪又係為左班Hater 囉😮💨！佢唔知係度睇緊乜，成朝望住個電話，笑都唔笑下，跟住啱啱突然問花姐佢新嗰個MV係咪真係咁差！我同花姐都好擔心佢呀！”
兒登：”唔⋯我諗我知乜嘢事，唔講住，遲啲搵你！”
過了不到半分鐘，李駿傑便聽到盧瀚霆的手機響起，然後經過短短的半分鐘通話後，便看到盧瀚霆表情放鬆了不少，連招牌腰果眼也出來了。
啫喱米：”喂，勁喎！你同呀撈講左啲乜嘢？佢咁快開心返晒嘅？”
兒登：”我只係叫個傻豬睇ig咋😆”
李駿傑看到這個msg後，便打開自己的ig，然後看到呂爵安的新動態：一段截自YT盧瀚霆新歌的片段，用❤️遮蓋了”👎”位置，並附上以下文字
「#這個男生跳舞真好看！❤️」
「#U Re my King Kong🦍」
「#Always by your side」
「#做人不要太羨慕，不要太妒忌」
「#嘥錢買dislike不如攞去捐俾有需要嘅人😎」
彩蛋
“點算呀Jeremy 花姐已經鬧左成分鐘啦，呂爵安今次會唔會真係俾花姐調去404架🥺？” 盧瀚霆聽着花姐對電話喪鬧呂爵安中，內疚地跟身旁好友李駿傑說。
“放心啦，花姐邊捨得調佢走，搞到你唔開心喎😎”李駿傑臉帶微笑，拍拍盧瀚霆以讓他放心。
“呂爵安，你條死仔，冧仔還冧仔，駛唔駛搞到同班haters 開戰呀！你講還講都要顧下自己先得架… 我真係就嚟俾你地激死，下次唔好啦，如果唔係我真係炒鬼左你！”花姐雖然口中盡是責罵，但其實她內心也是默許呂爵安的做法的。
“知啦，花姐！唔好嬲啦，小心爆血管呀！” 隔着電話也忍約聽到花姐潛在的默許，呂爵安忍不住輕笑。