Chapter Text
一個皮膚白皙，戴著鴨舌帽的男生，背著大背囊還側背一個寵物袋。好不容易拉著行李箱，上面還有一個行李袋，下了的士，到達一棟高尚住宅。他站在某戶人家門前，低頭向寵物袋細語，「Amber，呢到之後就係我地屋企啦，你要乖乖地啊～唔知哥哥係點既呢⋯⋯」生為獨子的他還在幻想，他從此會多了一個疼愛自己的哥哥。
按下門鈴，來應門的是一個身材高挑，穿著恤衫西褲的男人，「Anson，你終於到啦，都話我去接你架啦，咁多野。」
Anson進了門口便把寵物袋放下，右手按了兩下左肩，好讓緊蹦的肌肉放鬆，「Uncle，唔洗麻煩你啦～少少塞車咋。」
「哎呀，仲叫我Uncle？」男人雙手拉著Anson的背包肩帶，替他脫下背囊，放到旁邊的椅子。
這動作連自己的親生父親都沒對自己做過，心頭一暖，「⋯⋯Daddy～」察覺到客廳投來的目光，一個穿著短T短褲，戴著粗框眼鏡的男生，正靠在牆壁雙手撓在胸前直視自己。他記得他在大學裏見過此人，好像是同學系的。
男人見狀便介紹二人認識，「Anson，佢就係Edan啦，你地以後就係兩兄弟，佢大你半年，係你阿哥。」
感覺到對方眼神不太友好，想要開口打招呼，大腦卻有點當機，本能地跟隨剛剛聽到的，「阿哥⋯⋯」但話都還未說完便被打斷。
「三唔識七，唔該唔好叫我阿哥。」他當然知道他對Anson並不是三唔識七，他早就耳聞這個在dan soc的風雲人物，還看過他跳舞。
低沉的嗓音搭配冷酷的話語，Anson只懂無辜地看著地板。Edan看見人垂頭喪氣似的，便反省自己是否太過份，卻絲毫沒有表現出心底裏的矛盾。
「喂，呂爵安，咁講野既咩你？」男人呼喝自己兒子的全名，他卻還是一臉不在乎，語氣只好放軟，「你地同一間大學架，我同你地媽咪調去英國呢段時間就互相照顧啦。」
不論是強硬還是軟態度，Edan都沒有打算領情，「大家都係Year two，唔係要人照顧嘛？仲有，我媽咪死左好耐。」Edan母親在他初中時便因病早逝，父親事業家庭兩邊忙，只好聘請傭人照顧他。直至上大學，Edan認為不需要傭人便讓父親把她辭退，但二人的關係仍是可見的不太親密。
正當Anson想插嘴緩和氣氛，他腳邊的寵物袋傳來Amber嗚嗚的叫聲，他習慣性地立刻跪下來拉開寵物袋的拉鏈，Amber便衝了出來甩了甩身體，「Amber，辛苦你啦係入面咁耐～」
Edan看到杏白色毛茸茸的生物正往自己步進，心跳不由自主地加速，聲音都在顫抖，「爸⋯⋯你冇講過佢養狗既⋯⋯？」
「嗯？有咩問題？我記得你應該冇敏感架？」
突然多了一個「弟弟」已不習慣，現在還有一隻他真的並沒有害怕的蝴蝶犬，但不知為何特別對他自來熟的蝴蝶犬。他指著Amber一直往後退至沙發，「喇喇喇⋯⋯你主人係嗰到啊，我冇野比你食架，唔洗過黎架。」
剛剛這般冷酷的人，現在卻被可愛的小狗嚇得驚慌失色，Anson差點沒忍住笑了出來，向Amber拍手，「Amber過番黎啦，唔好搞到Edan。」Amber乖乖地走回Anson身邊，Anson抱起了她享受一輪親吻襲擊，「喂啊Amber唔好錫住先啦～Daddy我入房先啦，之後唔會比Amber出房。」
Edan看著Anson被Amber舔得半濕的臉頰看得出神，還不自覺地打了個寒顫，滿臉狗的口水，不噁心嗎？
「傻既Anson，Amber都要周圍走動架嘛，間房咁細。」
Anson瞟了瞟房間，又望了望Edan，這房間比他以前所住過的屋都還要大，而且他並不想為新家人帶來不便，「間房好夠大啦，同埋我日日都會walk Amber，唔緊要～」他一手抱著Amber，一手拉著行李箱，Amber都快要從他手上滑下來。
「仔，快啲幫Anson拉個gip入去啦。」
Edan從沙發起來，一副不情不願走到Anson身側，「你行先。」待Anson隔了兩個身位，他才拉起行李箱隨後。
Anson進到房間，把Amber放到床上，誰知她下一秒便跳下了床往房門走，「Amber stop!」幸好她還聽主人的話，坐了下來與Edan面面相覷。Edan把行李箱放在房門側便轉身而去，連Anson的『唔該』也沒作回應。
「Anson，平時我地好少煮飯，呢到附近都幾多外賣。呢段時間你有咩需要就同Edan講啦，我同你媽咪入左啲錢比你，應該都夠你呢段時間用，唔夠記住同我地講啊～」已是二人的爸爸邊打開外賣飯盒，邊跟坐在一邊的Anson說。
「Daddy，我有番part time，我搞得掂架啦。你今晚飛過去搵番媽咪，要好好幫我照顧佢先真～」媽媽跟這男人已低調地簽紙結婚半個月，但他們並沒有住在同一屋簷下。如果他們沒被調職，擔心自己一個人居住，或許他還不會那麼快搬進來。
「緊係會啦～佢應該settle down好哂，我地後日都開始番工架啦。」
Edan看著二人你一言我一語，沒好氣地自己拿了一盒鳳爪排骨飯便先開吃。
「仔，好好照顧Anson啊，知唔知？」
Edan反了個白眼，明明也只是小自己半年，怎麼他爸就要千叮囑萬叮囑他呢？「唉得啦，依家佢冇手冇腳咩。」
「呂爵安，你好好地講野得唔得？」
Anson知道為何新爸爸特別關懷自己，或許因為愛屋及烏，但更多應該是同情自己兒時的經歷，「Daddy，我大個架啦，我ok～同埋仲有Amber陪我啊嘛～」撐起一個自以為好看，其實苦澀的笑容，而Edan也盡收眼內。
TBC⋯