Work Text:
「撈豬，生日快樂呀～」時針一到午夜 12 時，爵爺便興高采烈地對坐在旁邊的撈說。
「喂呀，你遲咗成日，係整整一日先同我講生日快，你不如出年先講啦！」撈嬲爆爆地說。
此時他們已完成今天的行程，安坐在愛巢中看着電影。
「無呀，我無遲到呀～」爵安一臉懵懂地對被自己雙臂環抱着的戀人說。
「你尋日嗰個只係喺 ig store 出個 post 講，咁都叫講左咩！唔算呀！」撈氣沖沖地說。
「傻豬呀～尋日排舞全世界都喺度，我又點可以咁高調先得架！同埋我想浪漫啲等得返你同我倆個人時先正式同你講嘛！ BB ，你知架啦，出面啲人個個都覺得我「沙沙」滾，講嘢無句真架嘛，所以當對象係你嘅時候，我梗係要俾晒百分百嘅呂爵安你先得啦！」說完爵爺以仍從後環抱撈嘅姿勢，輕吻了撈的臉頰一下。
「嗯～我唔理呀，我而家好嬲呀！」雖然撈口裏這樣說，但心裏已經被安的說辭說服了。於說此話時禁不住拉起一邊的嘴角笑。
「 BB ，唔好嬲啦！聽我解釋先啦，好無？好無？」爵學着撈的語氣說着。
「哼，我就睇吓你有乜花樣！」撈雙手撓在胸前說。
「 BB ～ Anson Lo~ 唔好嬲啦！今日係你舊曆生日呀，所以我真係無遲架～～」安說着便從背包裏拿出一盒包裹得非常漂亮的禮物，並遞到撈的面前。
「乜嚟㗎？」撈邊說邊伸手接過禮物，並開始把包裝拆開。拆開包裝後，看到裹面裝着的是自己 後援會出的little Anson玩偶，很是不解，然後望着呂爵安，希望他能給自己一個說法。
「嗱～就咁嘅～話說呢，我上次見到你睇 ig 啲 tag 左你嘅 story 嘅時候，個樣好似好開心咁，而且又一直講話隻公仔好得意，所以我咪去一齊搶囉！嘩～唔搶由自可，一搶就覺得成件事背後一定有陰謀，因乜解隻野咁難搶，連爵爺我呀都排左幾個鐘先搶到！不過總算成功，你爵爺我係咪好叻先！」爵自豪地邊說邊向撈討吻。
「係啦係啦，至叻係你啦！想買咪出聲，等我同佢地講聲咪得囉，駛乜走去同其他神徒搶喎。」撈甜滋滋地說。
「點同呢！我呢啲叫誠意，如果連呢少少誠意都無，我又邊有資格追到 BB 你喎 😘 」爵邊說邊吻上已經把頭轉側的撈的唇。
「嗯～咁你咁叻又咁有誠意，想要乜奬勵先～～」撈把雙手環上爵的後頸並輕輕把頭向上抬頭，露出完美的頸線，讓爵輕吻着。
爵把撈公主抱回房，並用腳輕輕帶上房門。
「呀～～～喂呀，唔好咬呢度 … 嗯～」
房內依然春色無限，而當爵發現原來撈打從 Little Anson 出世時，他已經擁有第一隻出世嘅 Little Anson 已經係後話。
完